تعرض مواطن في صنعاء امس ، لحالة نصب محكمة بعد أن ترك شنطة مسافر عنده بناءً على طلبه ليتولى صرف مبلغ مالي له، ليكتشف لاحقًا أن الشنطة تحتوي على مخلفات ومواد لا قيمة لها بينما اختفى صاحبها ومعه مبلغه.
وذكر المتضرر في روايته أن المسافر وصل حاملاً شنطة كريستال وسأله عن "فرزة صنعاء". وعندما دلّه عليها قال: "يا عمنا معك في جيبك عشرة آلاف مصروفة لأن معي خمسمائة سعودي وصاحب السيارة مستعجل، يشتي حسابه وما معي صرف. خل شنطتي عندك وهات لي عشرة آلاف أروح أحاسبه وبصرف وأرجع لك."
بثقة وضع المتضرر المبلغ في جيبه ومكث يراقب الشنطة ساعة، ثم خرج يبحث عن صاحبها دون جدوى، وبعد تفتيش الشنطة وجدها مقفلة ومملوءة بملابس قديمة، و"حجار صغار" وعبوات فول فارغة وبعض المأكولات الملفوفة، فيما اختفى صاحبها والسيارة. ولم تُسجّل كاميرات مراقبة في المكان بحسب المتضرر، فغادر وهو محطم من وقع الخديعة.
"حسبنا الله ونعم الوكيل! اليوم جاني مسافر ومعه شنطة كريستال، وصل بيسألني عن فرزة صنعاء، قمت أشرت له ووضحت له؛ قال: يا عمنا معك في جيبك عشرة ألف مصروفة لأن معي خمسمائة سعودي وصاحب السيارة مستعجل يشتي حسابه وما معي صرف؛ خلي شنطتي عندك وهات لي عشرة ألف أروح أحاسبه وبصرف وارجع لك.
*طبعاً أنا على نيتي مكنته العشرة الألف وجلست أنتبه على حقه الشنطة وأبزيها حوالي ساعة ولا رجع، قمت اتبندقها فوق جنبي ومشيت أدور له في الفرزة ما حصلته، وأدور بالصرافات ما حصلته؛ عرفت وقتها إني وقعت في فخ سارق لئيم.
جيت أفتح الشنطة واتفاجأت أن القفل مخروط وهي معفوطة مخلفات ملابس وحجار صغار وأقفاص فول فارغة وفي مشمع شوية نيس!! أنا يبست مكاني ونشف ريقي! رجعت أشوف لو في كاميرات مكان ما سلخني العشرة الألف وللأسف ما في ولا كاميرا وروحت وأنا مكبود قهر! وحلفت يمين الله ما عاد أتشمل في بشر!"*
المتضرر ختم روايته بتحسر وغضب: "يابست مكاني ونشف ريقي... ورحت وأنا مكبود قهر! وحلفت يمين الله ما عاد اتجمل في بشر!"
