الإهداء: إلى القيادات الجنوبية بدون استثناء
كلمات الشاعر والكاتب الصحفي / احمد عبدالله امزربه
با قولها للقيادة ناصح لهم مخلص النيــــــه
با قولها بالصراحة ،ماشي معي سر أخفيـــــــه
رأيي وأنا مقتنع به، للكل أقوله وأحكيــــــــــه
أنا حر في طرح رأيي،حرية الرأي محميــــــــــة
لازم أقول الحقيقة ،وأقولها بشفافيــــــــــــــة
با قولها للقيادة ، الصدق محاد يداريــــــــــــــه
انتو السبب يا قيادة ،في كل مشكل نقع فيــــــه
لا جاء قيادي يصرح،يخرج قيادي ينافيــــــــــه
تتنافسوا في الزعامة وانتو الرموز القياديـــــــة
لا سامح اللي سببها ،(المبهمة و النبطشيـــــــــــة)
أتوا حدوا يا قيادة ، الشعب ما فيه يكفيــــــــــه
ضحى بخير ة رجاله ،ينشد كرامه وحريــــــــــة
شعبي الجنوبي موحد،سهلة وبحرة وواديـــــــه
اليافعي حل لودر،والضالعي حل موديــــــــــــــــة
وبن عدن راح شبوة يعقد قرانه ببدويــــــــــــــه
وبن الحبيليين في حور،والحضرمي خذ شيعيبـــة
لحجي خطب من سقطرى ،وذا صبيحي بمبهريه
ترابطوا با لصهارة تحمي التصالح وتقويــــــــة
واسمعوا صوت شاعر ،ناصح لكم مخلص النية
الشعر عندي رسالة، مش رص كلمه وقافيــــــه
والحرف له ألف معنى ،عندي وله ألف تسميـــه
الشعر حافظ بحوره ،قوله بفصحى وعاميـــــة
وحل شفره حروفه ،وحل أيضا محازيـــــــــــة
اطلع معه في سنوده ، وحيث بلقى معاجيـــــــــه
موزون كلمة ومعنى ،وممتنع سهل القيــــــــــــه
نصيحتي يا قيادة ذي ينكش الطين ياذيــــــــــــــة
وانتو نكشوا علينا ،هلسن وكثبان رمليــــــــــــه
المرحلة ماتباشي ،منكم خلافات فاضيـــــــــــــــه
وانتو بعدد الأصابع ،كلا يبانا نزكيــــــــــــــــــــه
نشتي قياده موحد ،لا تهدم البيت تبنيــــــــــــــــه
الوضع حساس جدا ،والوقت مآبا يكفيه
لا مسكتو زمامه يسقط بكم وسط هاويــــــــــــــــــة
أتبصروا يا قيادة ،البحر حيسة وزافيـــــــــــــــــه
ذي ماعرف للسباحة ،جثه على الشط ترميـــــــه
الشعب ما بيحازف،والجهل ما ينجيـــــــــــــــــــة
ولن يثق في قيادة ،بعقول جوفاء وخاويـــــــــــة
كلا يبا الرأى راية،يشتي بقوه يمشيــــــــــــــــه
يا ذي تبون القيادة ،الذات يحتاج تنقيـــــــــــــــة
يتطور الذات أول،بفهم علمي وتربيــــــــــــــــــه
وسعوا في المدارك،وانسوا العقول الشموليــــــة
وابنوا على ارض صلبه ،عمدان للبيت تحميــــه
لا البيت ساسه ممكن ،أمان ذي يسكنوا فيـــــــه
إن ما سمعتوا النصيحة ،لا تسنهوا أي تزكيـــــة
لن تسمعوا غير(كلمه)،(ارحل بستين داهيـــــة)
الكاتب والشاعر /احمد عبد الله امزربــــــــــــــــة
